池記 (Closed)

下午落著大雨, 知道夜晚要到10PM後才可吃飯, 唯有走入朗豪坊吃個下午茶先~間間都好多人, 唯獨池記仲有大把位, 唯有入去~ 但都要撘枱..........其實都吃過好多次池記, 今次就不叫雲吞麵~下午茶餐係一個單款麵+飲品~雖看表面湯很油, 但試啖之後, 覺得膠質重, 湯味濃, 少許南乳味, 連韮黃/蔥喝一啖, 正~ 麵沒有鹼水味~ 但豬手有些部份毛未清, 令人覺得有少少嘔心, 只好避重就輕去吃~ 豬手反而不及湯濃味, 不是炆腍那種, 是偏爽, 肉/皮很少, 雖有2-3件, 但吃完好像只吃了一件........ 至於熱意米水, 甜甜地清清地~