小神燈新派飯館 (Closed)

踩完單車試吓港式小炒，配埋個懷舊大排檔裝修，打卡得黎又有風味！ 餐前小食係辣豬皮，味道有泰式香辣感，仲幾爽彈晶瑩。🥢蟹肉菠菜豆腐盒炸豆腐上滿溢蟹肉絲蛋白、仲有橙色蟹籽，中間做左菠菜夾層，觀感豐富味道清香🥢懷舊蝦多士一碟四件，趁熱上手食，蝦肉釀在麵包面層，一啖咬到底，蝦肉厚身之餘，底層多士又有油香乾脆，每人二件都幾飽肚聽店員介紹點左🥢奇脆脆皮豬手豬手份量大，分好件上碟方便易食，肉片間有軟筋，乾身唔會腻。🥢腿茸菜膽雞（半隻）童年回憶既懷舊菜，菜膽配金華火腿茸上湯煮汁，味道取得平衡有菜清甜。雞件沾勻汁食，感覺特別滑溜。雞肉白皙脂肪較薄，雞脾部位連皮連汁食一流。🥢廚皇鵝腸(豉椒炒）我揀最惹味做法豉椒炒鵝腸，腸壁帶少少脂肪，唔會炒過火又唔韌，爽彈嚼勁，內外掛濃香豉椒醬汁，又有紅椒綠椒洋葱，餐前小食或送酒好正。🍍菠蘿梳打特飲、🍹仙人掌梳打特飲好多椰果、爆珠，香甜果香加埋冰涼梳打，清爽暢喉！