Video
Read full review
2019-08-11
356 views
兄弟聚會最適合打冷！今次因為朋友介紹之下試食潮匯館。入到去第一個感覺，環境有別於傳統打冷，十分乾淨企理，就算有小朋友、愛乾淨既女友都一樣冇問題。未開始點餐已經比佢既開胃小碟驚艷到，醃菜有別於一般出面打冷舖，冇死咸或過咸，調味恰到好處，令我地食左4碟，好彩係無限refill。打開餐牌，唔少菜式都要預訂，下次黎之前真係要訂定想食既，已經諗好左下次要訂定生醃賴尿蝦。打冷必點滷水野，我地本身想嗌鵝腸，可惜賣晒，只好下次早啲黎。依度既滷水可以話係相當出色，出面食到多數以醬油味為主，好容易只食到咸味，而依度既滷水，一嗌食口第一個沖入口既味道係淡淡既香料味，跟住先係食材味道，再到少少醬油味，層次好分明，有種小清新感覺，一啲都唔油膩。鵝肝盡對係必食推介，滑到好似豆腐咁，唔會粉粉既口感，而且相當入味，外面一定食唔到。一向中意食炸蠔餅既我，今次都為依個蠔仔洛低頭，煎得相當乾身，蛋味同蠔味出晒黎，油既控制亦相當適當，比炸蠔餅少一份熱氣。見嗌左咁多濃味野就嗌左個蟹粥，點知就食左唯一一個較唔需要試既菜式，蔥同芫荽味道太濃搶過左蟹既鮮味，糕蟹亦唔多見有糕，令人有少少失望。糖醋两面黃底面都煎得好脆，但中間略嫌未炸得
今次因為朋友介紹之下試食潮匯館。
入到去第一個感覺，環境有別於傳統打冷，十分乾淨企理，就算有小朋友、愛乾淨既女友都一樣冇問題。
未開始點餐已經比佢既開胃小碟驚艷到，醃菜有別於一般出面打冷舖，冇死咸或過咸，調味恰到好處，令我地食左4碟，好彩係無限refill。
打開餐牌，唔少菜式都要預訂，下次黎之前真係要訂定想食既，已經諗好左下次要訂定生醃賴尿蝦。
打冷必點滷水野，我地本身想嗌鵝腸，可惜賣晒，只好下次早啲黎。
74 views
0 likes
0 comments
59 views
0 likes
0 comments
依度既滷水可以話係相當出色，出面食到多數以醬油味為主，好容易只食到咸味，而依度既滷水，一嗌食口第一個沖入口既味道係淡淡既香料味，跟住先係食材味道，再到少少醬油味，層次好分明，有種小清新感覺，一啲都唔油膩。
鵝肝盡對係必食推介，滑到好似豆腐咁，唔會粉粉既口感，而且相當入味，外面一定食唔到。
37 views
0 likes
0 comments
一向中意食炸蠔餅既我，今次都為依個蠔仔洛低頭，煎得相當乾身，蛋味同蠔味出晒黎，油既控制亦相當適當，比炸蠔餅少一份熱氣。
43 views
0 likes
0 comments
見嗌左咁多濃味野就嗌左個蟹粥，點知就食左唯一一個較唔需要試既菜式，蔥同芫荽味道太濃搶過左蟹既鮮味，糕蟹亦唔多見有糕，令人有少少失望。
22 views
0 likes
0 comments
糖醋两面黃底面都煎得好脆，但中間略嫌未炸得透，我本人中意全脆既，不過依種又係另一個風味，都唔錯。
17 views
0 likes
0 comments
最後依個椒鹽白鱔片經過千辛萬苦，由一開頭落錯左豉汁蒸鱔片，到師傅收左爐漏單，我地以為冇得食，師傅再為我地起返爐，真係感激佢，因為真係好好食。白鱔本身好新鮮，炸個好脆身，一如既往不油膩，簡單調味已經好足夠。
總括而主言，成個體驗良好，野食好味，環境乾淨，而且仲有好多預定菜式想試，所以一定會再幫襯！
更多推介 IG: macusau
Post
