經過isquare見到依間餐廳裝修好特別
望埋餐牌原來係主打健康田園風嘅西餐廳
好岩正在減梗肥嘅我
嚴選沙津、水果等等優質食材
見到依家有個新推出嘅餐牌係同叫korres聯乘嘅set
仲有護膚品面膜送俾你
先講下個咸點［青提乳酪牛油果海鮮塔］
提子甜甜地再配生蝦同蜆肉都幾好食
賣相都幾靚不過影相就要快容易散
底層全部都係牛油果好健康
而甜點［玫瑰吉士牛角包窩夫］我就好鍾意
有少少花瓣望落好有春天感覺
窩夫熱辣辣非常香口同鬆脆
再加埋杯［蝶豆花鮮奶乳酪］
紫色好迷人不過味道偏淡
如果再甜d乳酪味重就好
另外餐廳搞緊活動所以窗邊佈置都有希臘藍色小屋
加埋陽光影相打卡都靚
依度幾啱同朋友黎下午茶chill下傾下計
