Video
Read full review
2018-12-29
127 views
每個月總有幾日特別想食日本野，今日路經佐敦七福神和食亭，就入去滿足下自己個胃~一入座侍應就送上熱茶，枱側邊有點餐紙，可以自己落單。而且上菜速度好快，基本上15分鐘內已經上左兩三樣野。先叫兩三樣刺身，壽司:三文魚腩一份有5切，每片厚薄均一，色澤光亮，腩位油脂分布平均，食落甘香，絕對新鮮。赤貝壽司就不過不失啦，雖然冇三文魚腩咁鮮甜，但都爽口。軟殼蟹手卷抵食，因為兩卷都有大大舊軟殼蟹，食落冇油膩感，紫菜仲未腍，加埋沙律醬食一流。由於天氣最近開始凍，我同朋友不約而同都想食多d熱食，我地就叫左:芝麻雞翼係即炸架，顏色金黃，咬落去外皮香脆，內裡又鎖住肉汁，但對我黎講就有少少辣，所以只食左一隻。牛油焗帶子都有驚喜，因為5隻帶子大大隻，漲卜卜，肉質彈牙，加左牛油去燒有少少燶邊，仲好食左~味噌甲羅燒係必點啦，上枱已經係燒好，可以即食，蟹膏偏咸，但撈飯就岩，餐廳仲好貼心提供埋白飯團&紫菜，我就自製左個紫菜卷黎食~食唐揚魷魚鬚真係令我好有衝動想叫返杯啤酒，因為魷魚鬚烤得好香脆，表面仲撒左滿滿既椒鹽，香口惹味，真係會每人一條接一條咁食唔停。燒雞軟骨串就令我有少少失望，因為燒得太乾，軟骨冇咁脆之餘仲有少少硬，加
一入座侍應就送上熱茶，枱側邊有點餐紙，可以自己落單。而且上菜速度好快，基本上15分鐘內已經上左兩三樣野。
先叫兩三樣刺身，壽司:
三文魚腩一份有5切，每片厚薄均一，色澤光亮，腩位油脂分布平均，食落甘香，絕對新鮮。
赤貝壽司就不過不失啦，雖然冇三文魚腩咁鮮甜，但都爽口。
軟殼蟹手卷抵食，因為兩卷都有大大舊軟殼蟹，食落冇油膩感，紫菜仲未腍，加埋沙律醬食一流。
由於天氣最近開始凍，我同朋友不約而同都想食多d熱食，我地就叫左:
芝麻雞翼係即炸架，顏色金黃，咬落去外皮香脆，內裡又鎖住肉汁，但對我黎講就有少少辣，所以只食左一隻。
牛油焗帶子都有驚喜，因為5隻帶子大大隻，漲卜卜，肉質彈牙，加左牛油去燒有少少燶邊，仲好食左~
味噌甲羅燒係必點啦，上枱已經係燒好，可以即食，蟹膏偏咸，但撈飯就岩，餐廳仲好貼心提供埋白飯團&紫菜，我就自製左個紫菜卷黎食~
食唐揚魷魚鬚真係令我好有衝動想叫返杯啤酒，因為魷魚鬚烤得好香脆，表面仲撒左滿滿既椒鹽，香口惹味，真係會每人一條接一條咁食唔停。
燒雞軟骨串就令我有少少失望，因為燒得太乾，軟骨冇咁脆之餘仲有少少硬，加上唔夠入味，下次都係叫唐揚版算。
而全晚最後先出場既係鰻魚飯，鰻魚切成幾舊，非常厚身，雖然冇腥味，但略嫌有少少骨，淋上燒汁其實幾好食，不過個飯上之前已經食左好多野，勁飽，最後我同朋友share都食唔哂一碗。
兩個人埋單先$593，每樣野都算高水準，其實抵過食平價放題。而侍應態度又好，會自動幫手加熱茶，呢餐飯食得好開心滿足~
Post
