Video
Read full review
2017-02-05
918 views
話說我尋日經過旺角，想食甜品，醒起哩間雪糕店就打算去試一試。店員好大聲不停重複「我地有牛奶，抹茶，波子汽水，巨峰提子同埋Nutella 口味，歡迎黎試一試！」於是我就點左新品nutella口味，55蚊兩杯。店員告知我地等4分鐘就有....等下等下，等左差不多10分鐘，我地開始有D唔耐煩，店內另一位口音不正既店員同我地講等多一分鍾就OK。過左一陣，佢走黎話我地知，部機無曬Nutella口味，不如轉草莓。我同男友都開始唔高興，覺得俾個店員老點，不過都算...我就答「咁我要其他口味啦，牛奶有無？」店員：「全部都無，得番草莓」我心林...有無搞錯，乜都無，你又點解響門口Loop你地鋪D口味？根本誤導消費者！Ok fine, 草莓就草莓佢之後又走黎同我講，「阿無草莓，得巨峰提子，不如就巨峰提子啦！」我男友就火大，叫佢cancel張單，因為我地兩個都唔鍾意食巨峰提子味個店員居然話 出左單唔退得，跟手繼續作勢要去整巨峰提子味雪糕俾我地了事。我地立刻喝止，話一定要退錢，個店員先一副好唔情願咁退番錢俾我地，仲要一句唔好意思都無。事後我記得曾經睇過廣告介紹哩間店廣東話帶口音既日籍老闆娘，正係唔願意退錢俾我
店員好大聲不停重複「我地有牛奶，抹茶，波子汽水，巨峰提子同埋Nutella 口味，歡迎黎試一試！」於是我就點左新品nutella口味，55蚊兩杯。
店員告知我地等4分鐘就有....等下等下，等左差不多10分鐘，我地開始有D唔耐煩，店內另一位口音不正既店員同我地講等多一分鍾就OK。
過左一陣，佢走黎話我地知，部機無曬Nutella口味，不如轉草莓。
我同男友都開始唔高興，覺得俾個店員老點，不過都算...我就答「咁我要其他口味啦，牛奶有無？」
店員：「全部都無，得番草莓」
我心林...有無搞錯，乜都無，你又點解響門口Loop你地鋪D口味？根本誤導消費者！
Ok fine, 草莓就草莓
佢之後又走黎同我講，「阿無草莓，得巨峰提子，不如就巨峰提子啦！」
我男友就火大，叫佢cancel張單，因為我地兩個都唔鍾意食巨峰提子味
個店員居然話 出左單唔退得，跟手繼續作勢要去整巨峰提子味雪糕俾我地了事。
我地立刻喝止，話一定要退錢，個店員先一副好唔情願咁退番錢俾我地，仲要一句唔好意思都無。
事後我記得曾經睇過廣告介紹哩間店廣東話帶口音既日籍老闆娘，正係唔願意退錢俾我地既果位店員。
身為老闆娘居然為左少少錢，要客人硬食店鋪既失誤，我覺得哩種服務態度非常非常離譜。
無雪糕咪早講，我又唔會怪你，但無理由要客人白白企響度等十幾分鐘，出錯後仲唔想退錢打算逼我食D唔係我order 既味，無論哩間野好唔好味，我都一定唔會再光顧
Post