Cobber Noodle and Mochi

Open Now

Now Closed

今日係觀塘食左間好唔錯既café! 一開始吸引我既係，平時Café野飲係散叫，而且都貴，但係呢到叫野食係有得簡自由斟無限飲，飲品款式仲要好有誠意。飲品bar係出面，可以自己出去斟。最鐘意係巨峰提子伯爵茶，清香得黎又唔會甜。西柚特調都好好飲，係有氣既西柚汁。我地跟左餐，有餐包, 餐湯同沙律。佢餐包係無花果蜜糖包，甜甜地! 餐湯有驚喜，係黑松露蘑菇湯，好濃郁! 蔥蒜香蟹肉炒意粉呢個好香口，鐘意比較濃味既人，一定要簡呢個，佢可以自己簡辣度，我地簡左少辣岩岩好。D蟹肉係多到食曬D意粉都仲有蟹肉淨，每啖蟹肉都有好濃既蒜香味!明太子忌廉蝦肉三文魚子飛魚子紫蘇意粉整體口感好creamy,明太子味突出。蝦肉份量都好多。鐘意佢加左紫蘇，令到creamy既意粉都食完冇咁膩。蜜糖芥末炸雞價錢好抵食，而且個汁調得岩岩好，外皮夠脆口!