北角煮飯仔 (Closed)

北角出名多平民美食，今次咁岩經過發現有間新開張冇耐嘅北角煮飯仔，就嗌左啲外賣返屋企同屋企人食。小店嘅所有食物都非常抵，仲平過自己屋企煮，選擇又多。唔單止有主打嘅兩餸飯，仲有多款點心，鹽酥雞，酸辣粉，非常多元化。所以店舖吸引咗好多街坊同附近返工嘅人來食。小店嘅姐姐非常nice，即使好忙，都會有耐性地介紹新鮮出爐嘅小食俾我哋選擇。所以見到即使舖頭開業不久，已經儲左唔少熟客光顧。隔住玻璃，見到選擇頗多嘅餸菜，已經心大心細。最後決定點左薯仔雞肉拼茄子的兩餸飯。老闆娘將餸菜㩙到成個外賣盒，薯仔炆得好琳，雞肉好嫩滑，茄子跑得香軟好味。👍🏻$32 依個價錢真係好抵。小食方面仲嗌左炸雞軟骨，炸燒賣，牛肉球同樣好味，夠晒香口😋點左咁多熱氣炸嘢，就嗌咗碗粉葛湯，出奇地好飲，都幾足料，有家的味道，絕對唔似出面餐廳啲味精湯，讚。👍🏻下次一定會再嚟幫襯！