老爺點心 (Closed)

同事早喺一個星期前相約去呢間 老爺點心 ，見到新假期都介紹，所以更加期待。餐廳裝修特別，係舊香港嘅感覺，睇得出老闆嘅用心。特別嘅裝修當然要配襯精緻嘅美食，呢間餐廳嘅食物就係出名造型特別，好彩食物質素味道都配得上！我地5個女仔嗌咗3個午餐同3個小食，份量岩岩好。黑蒜肉餅飯 同 臘腸蒸雞飯 係屬於穩陣派食物，多數煮熟晒就唔會出事。老爺風味雞飯 啲雞記得點風味醬，否則同平常貴妃雞無分別架！我想講嘅係佢壺湯～ 好特另嘅盛器，食到一半先記得飲，仲能 keep 到暖意。湯當然唔係味精湯，平時無乜湯水嘅朋可以飲多啲。飲得出佢唔係貪快用壓力煲煲，啲味唔會太濃太膠。黑白芝心蝦多士 係黑芝麻白芝麻面嘅多士，內裡係蝦膠及芝士。熱辣辣食就食到芝士溶溶地嘅口感，但有芝士拉絲效果！蘿蔔糕脆脆 就相對比較普通，可能細細粒加上啲餡料都切到好細，食落無乜口感，加埋面嗰層，佢只係一個脆面嘅粉頭。壓軸出場嘅係 炭裏香。呢個真係要相機食先，美觀指數爆燈。佢除咗個盤，所有野都食得。蘿蔔係甘荀味咸水角，啲泥土係用食用炭包住嘅排骨，個底係炸米粉脆脆。