就外賣左個燒鵝五寶飯,脆皮腩仔,凍奶茶,凍檸蜜,返屋企加餸.
燒鵝五寶飯,有燒鵝,貴妃雞,叉燒,紅腸,咸蛋,有齊我鐘意既燒味,
燒鵝皮脆肉嫩,油脂甘香,無膻味,肉汁豐富,果然係鎮店之寶.
貴妃雞肉質嫩滑,叉燒半肥瘦,超嫩滑,入口蜜汁甜甜咁,皮有少少焦香,更加野味,成個飯好豐富,好滿足.
脆皮腩仔,肥瘦適中,味道唔會太鹹,D皮燒到金黃色,
好鬆脆,脆到卜卜聲,入口鬆化唔肥膩,個人鐘意唔點芥苿醬,本身味道已經岩岩好.超好食!
凍奶茶,凍檸蜜都唔錯,原來外賣滿$100加$18就有半隻雞,真係超抵.
