成隻炸到金黃酥脆嘅軟殼蟹，好似皇帝咁坐鎮喺炒飯山上面，氣勢十足！炒飯每一啖都食到絲絲分明嘅蟹肉，飯粒炒得乾身有鑊氣，鮮味十足！呢個「雙重蟹滋味」嘅配搭，誠意分我俾滿分！💯
🥩 泰式燒牛肉 ($98)
牛肉切成薄片，燒到大概七成熟，肉質呈現誘人嘅粉紅色，入口軟嫩又juicy，牛味香濃。
🌸 粉紅沙冰 ($48)
打卡呃like必備！呢杯粉紅色嘅沙冰真係少女心爆棚！😍 佢其實係用泰國好流行嘅Sala糖漿加花奶打成，飲落有種獨特嘅果香同奶香，冰涼透心。温馨提示一下，本身味道會偏甜，好似我呢啲為食但又怕太甜嘅朋友，記得落單嗰陣叫「少甜」啊！
🥭 芒果糯米飯 ($58)
呢度嘅芒果糯米飯好有心思，有齊經典嘅白糯米同埋比較有咬口嘅紫米，口感double up！芒果熟度啱啱好，甜到入心。旁邊嘅椰漿帶少少鹹味，淋上煙煙韌韌嘅糯米飯上面，鹹甜交織。😌
