碗屋 (Closed)

在中環區，有日式放題的餐廳實在吾多，碗屋既日式放題，亦係我呢幾年來，耐吾使會再次光顧既日式放題店。呢間店其實吾算好大，格局有點兒似居酒屋，食物選擇種類非常豐富，各式刺身，沙律，手卷，壽司，燒物，串燒，湯，甜品，雪糕都有。係冇飲品任飲，飲品衹有供應茶或水。我地自己order 左Sake, 飲品同酒類價格合理，吾會好貴。呢道既刺身非常新鮮，帶子吾會切得過薄，而且好鮮甜，北寄貝大隻冇雪味。另外薄燒牛肉，厚燒牛扒都好有牛肉味，非常juicy。前菜送既鮑魚好淋好易入口，肉質又厚又彈牙。銀雪魚煎得外脆內軟，魚肉非常細滑。燒帶子香口惹味。燒鴨肝外脆肥美。甜品選擇吾少，豆腐雪糕同柚子雪糕非常好味，亦不會過甜，不過心太軟冇流心朱古力效果，有少少失望，但整體來講碗屋都係非常值得推介~!!