I Leisure (Closed)

I Leisure柔和燈光感覺舒適，梳化座位乾淨企理，室內裝修典雅有特色，卡座方面以鳥籠設計別具一格，絕對係打卡好位置，就環境方面個人非常滿意。餐廳本身亦係一間酒吧，提供多款不同酒精，亦設有飛鏢機及酒桌，放工三五知己輕鬆一下最好不過。▪️　海鮮摇盤海鮮摇盤內有5款海鮮，分別有鮑魚、青口、花甲、扇貝、蝦。各款海鮮肉質鮮嫩，尤其扇貝同青口我個人特別喜歡，咬落啖啖肉。除咗海鮮外，摇盤內仲有粟米，香腸，再加上餐廳秘制獨創馬來西亞特色辣汁，無可挑剔。▪️　麻辣小龍蝦二人同行Order海鮮摇盤等主食奉送麻辣小龍蝦一客。小龍蝦雖然肉質不多，但餐廳提供數量都好充夠。麻辣味道出眾，辣得過癮，滋味之處係小龍蝦頭部，每隻都膏香惹味。▪️　德國豬手餐廳將豬手肉起哂出嚟並且切粒，一口一件豬手肉食得過癮。豬手外皮極為香脆，肉質肥瘦均衡，咬感軟腍，點少少香草芥末醬一齊食，無與倫比！若然要送酒的話，德國豬手絕對係不二之選。