丸作食茶 (Closed)

食完lunch，經過呢間新開既茶飲店，見到入面個哥哥努力地整緊珍珠，決定試下。原來呢度好多出面無既珍珠款式，好似仙人掌珍珠，芝麻珍珠。我叫左焦糖珍珠黑洞拿鐵($32)加$8要仙人掌珍珠同黑芝麻珍珠，再加$8要奶蓋。朋友要左黑糖珍珠黑糖奶茶（$33）。等左5分鐘左右就有喇。呢度啲珍珠比較細粒，所以好容易用飲管飲到。三款珍珠，味道最出就係芝麻味，好有別一番風味。奶蓋就咁浮係上面好搞笑，不過攪暈之後個奶蓋鹹鹹地，味道唔錯。