大將 (Closed)

早前屋企人話想去食火鍋，但就俾咗個難題我，話佢地唔想去酒樓或者連鎖集團式嘅快餐店食火鍋，要有啲𝕘𝕚𝕞𝕞𝕚𝕔𝕜嘢喎，諗咗一諗，就上網搵搵有咩啱啦，點知就俾我搵到”大將”呢一間日式火鍋放題店，主打一人一鍋；店內環境光猛，充滿日式氣氛的木系環境，啱𝕗𝕖𝕖𝕝!佢哋提供數款肉類(有雞，豚肉同牛肉)嘅放題套餐，除咗有個鍋俾食客揀湯底去煮新鮮嘅肉類之外，仲附上一個大膠碗俾食客去自助區攞不同款式嘅火鍋配料食火鍋，而且亦提供共7-8款配料醬汁俾大家揀，建議埋你邊款醬汁配邊種肉好，還提供數款嘅熟食、多款飲品同甜品俾食客，等大家可以捧腹滿足咁享用一餐。除此之外仲有兩個特點就係佢哋會有一個蠻注目嘅送餐機械人為各食客服務同埋有間大將超市售賣緊不同凍肉、火鍋配料、蔬菜、飲品及醬汁，一站式服務，非常方便。