坐滿食客都不忘照顧周到，細心提醒日是精選、上餐小心熱湯、飲品滾水等。
誠意小店，室內充滿日系家居風格，佈置適合少女、家庭或小朋友打卡照相，難怪成為長洲人龍店。
牆上有好多日式小品，連年曆都係日本製作。
食物方面 - 一品飯糰餐︰（包括漬物、飯糰或麵食、主菜、湯品及飲品各一份）
原味燒飯糰珍珠飯輕煎後香脆軟糯，燒肉汁少咸加上微甜，每粒米都吸入醬汁，食落好開胃滿足。唯獨米飯包得唔夠實，筷子未夾起已經鬆散晒，就算用雙手食都變得手忙腳亂。
漬物附送醃菠菜，用上自家調配汁煮，微微酸甜好有誠意，配合雞漢堡增強開胃感。
主菜雞肉豆腐漢堡扒係健康配搭，內餡有紅蘿蔔碎、雞絞肉、豆腐碎，醬汁濃厚入味。
紅蘿蔔碎切混合完全去掉草青腥味，相信可以令偏食嘅小朋友都接受到蔬菜。
雞肉味相對淡，所以豆腐比較搶味，豆味濃度令人感覺更健康唔油膩。
日系家庭小菜口味，適合跟鰹魚湯烏冬或清淡燒飯糰食。
鰹魚湯烏冬︰
少少彈牙，外面硬但中間軟糯，烹煮時間剛好。面頭豐富鰹魚片動彈中慢慢溶入熱湯中，烏冬更加香濃鮮味，清新又健康。
飯碗雖少但麵條份量充足，18蚊一碗性價比極高。
總結︰
服務態度令人舒服、環境寧靜佈置又精緻、食物味道好、價錢相宜，同另一個女生朋友分享都覺得飽肚滿足。
唯獨餐廳細座位少，相對等候時間長、食物原材料又未算好高質。性價比屬中高。
