Video
Read full review
2023-02-25
20 views
介紹返💁🏻♀️。。🇨🇳 餃子 在北角 🇨🇳。上海小聚。馬寶道3號君譽峰地下15號舖。餃子套餐韭菜鮮肉餃子 / 大白菜鮮肉餃子/ 西洋菜鮮肉餃子配 和風汁蟹柳冷麵 及 前菜 - 酸甜蘿蔔 或 陳醋雲耳甜品 - 薑茶芝麻小湯圓。HKD58 @ 7 pcs。HKD62 @ 10 pcs招牌上海麵套餐上海葱烤排骨麵 自選湯底 - 麻辣 / 豬骨/沙嗲 / 冬蔭公酸辣湯底 另加 HKD6自選麵底 - 上海麵 / 日式拉麵稻庭烏冬 另加 HKD5配 韭菜鮮肉餃子 或 大白菜鮮肉餃子 兩隻煎餃 另加 HKD2前菜 - 酸甜蘿蔔 或 陳醋雲耳甜品 - 薑茶芝麻小湯圓。HKD65套餐配飲品 另加 HKD5豆漿 或 汽水 或 金桔青檸散叫韭菜鮮肉餃子 / 大白菜鮮肉餃子/ 西洋菜鮮肉餃子煎餃 。 HKD47 @ 7 pcs 。HKD54 @ 10 pcs湯餃。 HKD45 @ 7 pcs 。HKD52 @ 10 pcs🤫 尋晚係我喺而家呢間公司做咗兩年以嚟第一次唔可以準時走嘅晚上..咁橫掂都遲咗走..即刻打電話俾喺附近返工嘅舊同事睇吓可莫耳約出嚟食餐飯..勁好彩阿G都喺附近未走..一於行過去北角嗰邊搵間
。
。
🇨🇳 餃子 在北角 🇨🇳
。上海小聚
。馬寶道3號君譽峰地下15號舖
。
餃子套餐
韭菜鮮肉餃子 / 大白菜鮮肉餃子/ 西洋菜鮮肉餃子
配 和風汁蟹柳冷麵 及
前菜 - 酸甜蘿蔔 或 陳醋雲耳
甜品 - 薑茶芝麻小湯圓
。HKD58 @ 7 pcs
。HKD62 @ 10 pcs
招牌上海麵套餐
上海葱烤排骨麵
自選湯底 - 麻辣 / 豬骨/沙嗲 / 冬蔭公
酸辣湯底 另加 HKD6
自選麵底 - 上海麵 / 日式拉麵
稻庭烏冬 另加 HKD5
配 韭菜鮮肉餃子 或 大白菜鮮肉餃子 兩隻
煎餃 另加 HKD2
前菜 - 酸甜蘿蔔 或 陳醋雲耳
甜品 - 薑茶芝麻小湯圓
。HKD65
套餐配飲品 另加 HKD5
豆漿 或 汽水 或 金桔青檸
散叫
韭菜鮮肉餃子 / 大白菜鮮肉餃子/ 西洋菜鮮肉餃子
煎餃
。 HKD47 @ 7 pcs
。HKD54 @ 10 pcs
湯餃
。 HKD45 @ 7 pcs
。HKD52 @ 10 pcs
🤫 尋晚係我喺而家呢間公司做咗兩年以嚟第一次唔可以準時走嘅晚上..咁橫掂都遲咗走..即刻打電話俾喺附近返工嘅舊同事睇吓可莫耳約出嚟食餐飯..勁好彩阿G都喺附近未走..一於行過去北角嗰邊搵間平平哋嘅食餐飯聚吓舊
🤫 阿G不嬲都係食平嘢嘅專家..成日都可以搵到啲平靚正嘅嘢食..今次佢帶我嚟呢一間從來都未聽過嘅上海小聚開餐..七點零鐘嚟到仲要排一陣隊先至有位坐..好似有啲料到喎
🤫 呢度Menu有三張..全部都係套餐..講緊最貴嗰個都只係七十蚊..仲要主食前菜甜品全部都有齊..我就揀咗個煎韭菜餃套餐..阿G就叫咗個上海麵套餐..然後再加一份散叫嘅煎大白菜鮮肉餃子Share食
🤫 先講吓啲餃子啦～好欣賞佢哋餃子嘅Size非常適中.. 又煎得好靚仔..唔會話好鬼油..而且餡料亦都夠多..滿足到我呢個食肉獸嘅需要..旁邊仲見到啲姐姐喺度包緊餃子..就知道呢度啲餃子全部都係新鮮包起即刻煎..個人就比較鍾意食大白菜餃子..因為嗰啲黃芽白嘅菜汁混入咗鮮肉入邊更加香更加好味..Total有成廿隻餃子我哋都食得晒..你就知幾好味啦
🤫 然後葱烤排骨麵份量都好多..排骨超入味而且夠大件..然後個餐仲跟咗兩件湯餃..我同阿G一人一隻試吓..我平時唔鍾意食湯餃㗎..因為我鍾意煎餃嗰種脆口呀嘛..但係呢度嘅湯餃又OK喎..好Juicy呀個感覺..除此之外..我哋兩個餐都跟咗一份前菜..好可惜我哋太遲嚟所以酸甜蘿蔔賣晒..淨係得返陳醋雲耳..不過呢個雲耳有啲驚喜喎..平時出邊嗰啲通常個醋都酸到跳舞..呢度好唔同..食得出個醋係幾靚嘅..係有酸甜度嗰種陳醋..呢個我好鍾意食
🤫 仲有..我個餃子餐係跟咗一個細嘅和風蟹柳冷麵..第一啖食落去..兒時回憶返晒嚟..佢基本上係以前元綠壽司十蚊一碗嘅冷麵翻版..又係暴露年紀系列..如果你有食過元綠壽司辣冷麵嘅話..你會知道我講緊乜嘢
🤫 最後就係跟餐嘅甜品..薑茶湯圓..原本又係覺得咁平嘅餐跟嘅甜品應該都求求其其㗎啦..點知佢冇期望嘅情況底下又有驚喜喎..湯圓煙韌口感佳..最重要係個薑茶真係堅㗎喎..又辣又暖..每人輕輕有兩粒湯圓..咁就唔會食得太過飽太過滯又可以過吓口癮啦
🤫 老實講真係冇諗過北角呢一帶小店夜晚黑仲要排隊..因為呢一類商業區通常過咗六點就水靜河飛㗎啦嘛..證明呢度啲街坊都好捧場..食物質素有一定保證..至於環境呢～乾淨企理茶餐廳模式啦..座位都唔算係太逼夾..不過都係食快飯嗰種形式啦..我覺得呢度啲餃子值得重點推介嘅..大家經過北角可以考慮試吓
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
Post
