Bully Base (Closed)

同朋友行過見好似新開既餐廳，點知有驚喜。環境係外國酒吧風格，有架好型既哈雷放係入面。我同朋友叫左一個招牌一個墨西哥。招牌漢堡好大份量，全部食材都有煎過處理，唔知個漢堡排係咪自家製，同出面既唔同，特別大塊，多汁。墨西哥辣味適中，醃製既酸辣椒夠地道。材料好新鮮，同埋食得出係對食材有要求既。不過唔洗諗住可以用手食，因為真係好大個漢堡，性價比係值得既。我同朋友兩個男人都食得，食完係飽肚既，滿足。係值得回頭既餐廳，下次會試下意粉同小食。店鋪有埋自家製甜品。