Video
Read full review
2014-10-19
1669 views
先說有關享用優惠的建議（怕有心光顧此店的人沒時間看完整篇，故先提重點結論）︰1. 先自行看清條款。2. 如有疑問，向職員查詢時，最好向多位職員查詢確認。3. 能記住是哪位職員更佳。4. 入單後，要求計算賬單（不是寫點了甚麼菜，而是要知道最後要付多少）。如有出入，可以儘快（上菜前）更改。被八點九後（還是九點後？忘了 ）八折嘅字句吸引，喺門口有位姐姐話小菜八折，海鮮就沒有折。坐低後看到幾張柯打紙，有"價細"小菜、孖寶套餐，海鮮等，看到"價細"小菜張紙最低有寫不再折扣優惠之類（但冇寫可否八折），心想「小菜」才有八折，咁點計呢？我一手拿住"價細"小菜張紙，另一手指住張紙，向其中一位男侍應詢問，我問︰「呢d有冇八折呀？」，佢接過張紙，睇咗之後講︰「有呀，小菜有八折，今日…星期五，唔使加五蚊，星期六要加。」見佢答得清楚詳盡，便放心下來。就是老套地點了、吃了，結賬才知道沒有八折。可說數目不大，看似小事，但真的很難受。首先被要求指出哪一位說有八折，我四周 張望，實在不太認得，後來我認出了另一位職員（我其實認錯人，到我記得認錯人，便即跟有關人士說「唔好意思」），拿來賬單的男士向該職員問︰「你係咪應承
1. 先自行看清條款。
2. 如有疑問，向職員查詢時，最好向多位職員查詢確認。
3. 能記住是哪位職員更佳。
4. 入單後，要求計算賬單（不是寫點了甚麼菜，而是要知道最後要付多少）。如有出入，可以儘快（上菜前）更改。
被八點九後（還是九點後？忘了 ）八折嘅字句吸引，喺門口有位姐姐話小菜八折，海鮮就沒有折。坐低後看到幾張柯打紙，有"價細"小菜、孖寶套餐，海鮮等，看到"價細"小菜張紙最低有寫不再折扣優惠之類（但冇寫可否八折），心想「小菜」才有八折，咁點計呢？
我一手拿住"價細"小菜張紙，另一手指住張紙，向其中一位男侍應詢問，我問︰「呢d有冇八折呀？」，佢接過張紙，睇咗之後講︰「有呀，小菜有八折，今日…星期五，唔使加五蚊，星期六要加。」見佢答得清楚詳盡，便放心下來。
就是老套地點了、吃了，結賬才知道沒有八折。可說數目不大，看似小事，但真的很難受。
首先被要求指出哪一位說有八折，我四周 張望，實在不太認得，後來我認出了另一位職員（我其實認錯人，到我記得認錯人，便即跟有關人士說「唔好意思」），拿來賬單的男士向該職員問︰「你係咪應承咗個客……」，我認錯人是一回事，但情況唔係某職員自行俾咩承諾，而係漫不經心講錯優惠條款，打工的怎會自行俾承諾？唔問「有冇講呢d八折」，用「應承咗個客……」呢句擺明唔係實情，不論有否認錯人都不能問出真相。
再來就將責任完全放在我身上，那男士指出紙上的條款，說沒騙人，價錢咁低仲邊有八折，真係呃都呃得幾十蚊，邊會咁呃人法？！我重申我己問了他們職員，要求減番，佢就話咁口同鼻拗啦，可能言語上有誤會，有不滿你可去消委會，再講落去冇意思，但公司沒騙人不可少收錢，現在你唔埋單就唯有報警處理，唔係兇人，只係講出會點做。
我沒錄低與第一位男侍應的對話， 相信消委會或其他咩咩條例都唔會幫到我。可能有人認為「價錢咁低仲邊有八折」，顧客可自行推理出來，又可能其他人在其他店有遇上更差嘅情況，但我今次在此店真係極不愉快，希望有心光顧此店的人不再遇到此情況。
只是與家人食便飯，上菜時沒影相，補幾個字啦！
西芹雞柳︰普通，唔會太油膩；粉絲蝦煲︰不錯，幾惹味，又冇黏底
Post