一行８人坐左在落地玻璃窗旁邊,出面係酒店的花園,環境同裝修算係好唔錯。
湯底ok，我選左芫茜皮蛋湯，有同事選豬骨湯或麻辣湯底都好吸引。而且一人一爐唔駛同人爭好方便～～
自助餐形式，大家不停出去攞嘢食：
海鮮超正！！！！！
蟹（係新鮮羔蟹，大大隻，個人認為係回本之選！）
海蝦（都好新鮮）
桶蠔（美國進口貨，放心）
魚片（waiter話係星斑，超級鮮味）
鱔片（掂，爽脆彈牙）
扇貝（好大隻好鮮味）
雪花肥牛（又係推介之選，喜出望外！！！）
手打墨魚滑（個人認為好味過小ｘ羊）
珊瑚蚌, 貴妃蚌（勁爽口）
魚皮餃、鮮蝦雲吞（唔錯）
另外有魚唇，各種丸類、生根、支竹豆卜、時蔬、粟米、粉麵等等
仲有糖水任飲
最開心的係佢的甜品質素好好，超過我預期（特別係cheeses cake），又有多種新鮮生果同Movenpick雪糕，滿足哂我所有願望！！
服務質素都ｏｋ，ｄ食物又補充得幾快，會主動加湯，環境又好，呢餐食得好滿意。埋單仲四人行一人免費，我地啱啱好可以免兩個人頭，埋單每人都係$168。海鮮火煱喎！自己去街巿買都唔止啦．．．真係超值！
最正的係,埋單時captain先同我地講,食滿 $300憑的士單可以照價減 $30，我搭左$18都係減 $30!!!!好彩我有搭的士攞單的習慣(因平時公事搭的士公司有得claim)，所以冇蝕底到,仲連回程的士錢都資助埋!!一個字,正!
