Cossi

開咗一段日子，終於去試吓。
分兩層以木結構為主，裝修格調很好，坐得也舒服。
服務很好，侍應的反應很快也有禮。食物水準就較一般。
主菜改餐（多了沙律、湯、啡茶）要加38元，我們改黑松露湯要再加20元。凱撒沙律都係一般，幾條菜葉加少少醬咁，普普通通。湯有黑松露香味，口感也不錯，可讚。
叫了蜆肉意大利飯，蜆肉有少許海腥味（不是難吃那種），我鐘意。不過啲飯太過淋，透晒心，唔似意大利飯，可能就香港人口味。
黑毛豬扒，肉質好淋，幾乎冇牙都食到。肉不乾有汁，質感不錯，不過冇味，不但豬扒冇肉味，連醬都乜味，就只係鹹鹹地。豬扒似是燒的，但沒有一點焦香味，燒得好的肉扒應該表面有微焦，內有肉汁。
咖啡水準也不行，只是不難飲的水平，有點失望。
這餐廳價錢在荃灣區中不算低檔，環境和服務也不錯，只是食物質素有待改善。