個包有塊脆雞扒，煙肉同洋蔥，都幾多料，加埋個辣椒仔醬汁都幾正，辣辣地幾滋味。而且麵包有烘過，比老麥啲包有誠意得多，連賣相亦都唔差。
另外一提，其實我幾鍾意KFC個菜絲沙律，以前在外國KFC必點的！不過香港的沙律汁稍為過多。
剛剛讚完KFC做包比老麥出色，但反而KFC最招牌的炸雞我就覺得渣過老麥，肉質唔夠嫩滑同Juicy，呢個新口味辣椒仔辣脆雞 $48配蘑菇飯及汽水，感覺只是灑了辣椒粉在炸雞面（底部是沒有的！）食落完全唔覺有辣椒仔的味道！
利申: 我最愛的炸雞連鎖店是快樂蜂 Jolibee
.
另外仲有試左幾款近期推出新品，不過真係好難影得靚，因為當堂食都用外賣盒裝，個賣相真係非常麻麻，好彩食落都唔差。
美祿恐龍迷你鬆餅 跟餐加配$10/4件，冷食鬆餅食落幾好味，美祿味幾濃。
仲有個大阪燒一口脆雞跟餐加配$11/3件，醬料味道幾似大阪燒，但吃一兩粒還好，吃得多都相當膩。
