紅磡冰室 (Closed)

又係北角覓食～紅磡冰室其實都經過好多次，今次見到午餐啱食，就入左去了。星期日中午，紅磡冰室依然多人，不過一枝公就易啲有位。嗌左洋蔥汁雞扒火腿飯，然後見到人地的瑞士汁雞脾飯好似仲吸引😭較入的位置地板較滑，個人都幾討厭跣腳的感覺。嗌左五分鐘左右飯就黎啦，果然係雞脾飯比較吸引😭個汁冇乜洋蔥味，有幾粒蕃茄仔，增加酸味。飯的份量正常，啲汁就唔夠撈晒成個飯。火腿有兩片，雞扒是炸的。食落個皮都脆，但味道麻麻。熱奶茶，奶味少。難得的是個飯幾好味，並沒有又濕又淋咁，粒粒分明，值得一讚！