睇個名都知專食羊, 但我唔食羊, 所以我就叫左一個雞肉酸辣米線, 朋友就叫左個羊肉清湯米線, 再叫左一個豬耳做小食
一黎到就見到好大碗, 但呢個只係中size, 肚餓嘅朋友可以叫大架！個湯底唔夠酸, 比起其他米線又唔特別, 我就覺得普通。 雞肉係帶骨嘅, 就比較鞋身, 唔係咁好食！米線又煮得比較林, 已經覺得有少少伏。
但朋友又話個羊肉清湯米線嘅羊肉幾好食, 我就無試過, 不過可能人地專食羊肉係真係得羊肉好食啦！大家好鐘意食羊肉都可以去試試！
豬耳就睇得出係普通豬耳再淋啲汁上去, 好似有啲hea, 不過個汁係好食嘅, 好麻, 會想繼續食, 個汁係唔錯！
總括而言, 我就唔會再去, 大把米線好食過佢, 無咩野係特別出色
