Video
Read full review
2022-08-08
81 views
見咁多高評分咁就一於去試下啦預著星期日都知會多人咁就早少少6點去以為會好d啦 不過門口已經人山人海 但拎咗飛都係等大約10分鐘到就入到咁坐低都唔洗點諗就落咗2個招牌海龍皇泡飯啦一等就由6點10分等到7點都重未上中途叫d侍應幫手睇睇係米無落單定點啦 第一個單都未睇就話得得得有既跟住走咗去 咁就再等多陣問第二個 佢就扮晒話幫我追但間嘢咁細 我望都望到佢一句都無幫我地問過已經興興地咁見到個老細直接同佢講話我地等咗成個鐘咁到底有冇 佢先嗱嗱聲去廚房追但其實睇都睇到佢係做唔切 d外賣多到幾十張單卡住晒 d外賣仔瘋狂入嚟追單 佢又唔理d堂食係咁出外賣 真係r晒頭最終第一碗等咗1個鐘 第二碗等咗1個鐘15分鐘等咗咁耐都算啦 真係見到忙到跪晒係到都等咗咁耐 終於有得食緊係有番咁上下期待啦結果就係超級麻麻 個湯死鹹完全飲唔出鮮味 d飯重一舊舊唔多熟 而且碗嘢完全係室溫唔熱 我個人重興過碗嘢一食就知係趕時間求求其其整出嚟最明顯就係佢一次過出超過10碗呢個海龍皇 成個場人人都等到嘔晒血 跟手可以同時有得食 玩咩 咁樣煮都俾你諗到講真開波都feel到有d中伏 啱啱坐低已經有人等太耐興興地係到嘈 不過都唔怪得d
預著星期日都知會多人咁就早少少6點去以為會好d啦 不過門口已經人山人海 但拎咗飛都係等大約10分鐘到就入到
咁坐低都唔洗點諗就落咗2個招牌海龍皇泡飯啦
一等就由6點10分等到7點都重未上
中途叫d侍應幫手睇睇係米無落單定點啦 第一個單都未睇就話得得得有既跟住走咗去 咁就再等多陣問第二個 佢就扮晒話幫我追但間嘢咁細 我望都望到佢一句都無幫我地問過
已經興興地咁見到個老細直接同佢講話我地等咗成個鐘咁到底有冇 佢先嗱嗱聲去廚房追
但其實睇都睇到佢係做唔切 d外賣多到幾十張單卡住晒 d外賣仔瘋狂入嚟追單 佢又唔理d堂食係咁出外賣 真係r晒頭
最終第一碗等咗1個鐘 第二碗等咗1個鐘15分鐘
等咗咁耐都算啦 真係見到忙到跪晒係到
都等咗咁耐 終於有得食緊係有番咁上下期待啦
結果就係超級麻麻 個湯死鹹完全飲唔出鮮味 d飯重一舊舊唔多熟 而且碗嘢完全係室溫唔熱 我個人重興過碗嘢
一食就知係趕時間求求其其整出嚟
最明顯就係佢一次過出超過10碗呢個海龍皇 成個場人人都等到嘔晒血 跟手可以同時有得食 玩咩 咁樣煮都俾你諗到
講真開波都feel到有d中伏 啱啱坐低已經有人等太耐興興地係到嘈 不過都唔怪得d客會咁 佢d侍應態度差到嘔 都唔知係去食嘢定受氣
認真打死都唔會再食 唔抵食兼等咁耐得個吉
Post