Trois Cafe (Closed)

呢間餐廳設計感好強，以鮮艷嘅顏色去吸引住客人嘅眼光，仲要係用咗我最喜愛嘅粉紅色😍作為粉紅色嘅愛好者，淨係見到妹妹已經深深俾佢吸引住，所以就決定入去一試睇吓嘢食係咪一樣咁吸引😆吉列豬扒用多士承載住生菜、豬扒及沙律，表面仲有照燒汁，淨係賣相已經相當吸引，輕輕一咬，脆脆的多士加上吉烈豬扒味道超夾，食多幾啖就開始食到沙律同醬汁嘅味道，味道超豐富，就算食晒都唔覺得膩，食埋旁邊嘅番薯薯條，估唔到都幾飽😋炸雞拼盤喺醬油炸雞及鹽酥炸雞，醬油炸雞嘅汁好杰身，炸雞嘅每一處都沾滿住醬油，味道好惹味，雞肉好嫩滑，鹽酥炸雞相對較脆口，椒鹽味拿捏得好好，雞肉同樣好嫩滑，配埋佢哋自家嘅醬汁一齊食，真係冇得彈！除此之外上面仲放咗啲青蘋果絲，味道更清新！必食之選！