Video
Read full review
2008-10-01
21 views
話都冇咁快師傅又寫到第五百個食評啦, 仍記得當時寫完第四百個食評後, 師傅話第五百個食評一定要同好友食家"乜都放入窿"一同再試, 而言出必行嘅師傅一定冇甩拖啦, 所以就約左好友食家"乜都放入窿"一同共進晚餐, 而地點菜式就由好友發版!經過一輪嚴格挑選後, 最後好友食家"乜都放入窿"就揀式呢間食店, 師傅當然非常之期待啦, 所以當晚特意提早離開監房, 同好友共享晚餐!去到餐廳, 當然冇訂到位啦, 由於時間都尚早加上人唔多, 所以好易有位; 一坐底師傅同好友食家已經急不及待睇下有咩好食啦, 一打開個餐牌師傅覺得樣樣都好吸引, 樣樣都好想食, 最後商量過後, 就柯打左餃子, 咖哩牛肉, 咖哩雞同埋芝士菠菜, 再加兩客烤餅, 一客普通一客係蒜蓉, 飲品師傅就揀左最簡單嘅青檸梳打, 而好友食家就揀左個咸乳酪!坦白講幾道菜確實嘅名稱真係唔係好記得喇, 不過大約都係咁上下; 首先師傅就試下個餐前小食, 係一片片薄薄嘅烤餅, 烤得好香好脆, 好味過食薯片多多聲, 勁正; 跟住再講下個餃子, 如果師傅冇記錯應該係叫尼泊爾餃子, 餃子一客有六隻, 碟中間竟放左辣醬, 如果同廣東餃子黎比, 廣東餃子當然高少
經過一輪嚴格挑選後, 最後好友食家"乜都放入窿"就揀式呢間食店, 師傅當然非常之期待啦, 所以當晚特意提早離開監房, 同好友共享晚餐!
去到餐廳, 當然冇訂到位啦, 由於時間都尚早加上人唔多, 所以好易有位; 一坐底師傅同好友食家已經急不及待睇下有咩好食啦, 一打開個餐牌師傅覺得樣樣都好吸引, 樣樣都好想食, 最後商量過後, 就柯打左餃子, 咖哩牛肉, 咖哩雞同埋芝士菠菜, 再加兩客烤餅, 一客普通一客係蒜蓉, 飲品師傅就揀左最簡單嘅青檸梳打, 而好友食家就揀左個咸乳酪!
坦白講幾道菜確實嘅名稱真係唔係好記得喇, 不過大約都係咁上下; 首先師傅就試下個餐前小食, 係一片片薄薄嘅烤餅, 烤得好香好脆, 好味過食薯片多多聲, 勁正; 跟住再講下個餃子, 如果師傅冇記錯應該係叫尼泊爾餃子, 餃子一客有六隻, 碟中間竟放左辣醬, 如果同廣東餃子黎比, 廣東餃子當然高少少啦, 但作為尼泊爾餃子, 佢真係一d都唔差, 餃子係皮厚少少, 但厚而不實, 而餡料亦唔會太乾身, 再點少少辣醬係勁惹味, 師傅覺得唔錯, 掂呀!
咖哩牛肉同咖哩雞, 咖哩味道香香辣辣, 味道非常討好, 牛肉略為乾身帶少少鞋, 師傅覺得呢個亦係印度餐嘅特色; 相反雞肉肉身嫩滑, 味道一流, 口感唔錯; 芝士菠菜嘅芝士無乜奶味, 唔會香, 似豆腐乾多少少, 而菠菜味道頗濃, 帶少少草腥味, 師傅對呢個味道就唔係特別欣賞喇; 烤餅非常鬆軟, 但普通烤餅令師傅較為欣賞, 因為蒜蓉烤餅嘅蒜蓉好多好濃, 師傅就唔算太鍾意, 但味道亦算可口!
總括黎講食物質素頗好, 環境非常舒服, 服務態度又好, 價錢一d都唔貴, 埋單每人都係百九, 食咁多野絕對抵食; 難得再次同好友食家"乜都放入窿"飯局, 邊吃邊吹無所不談, 真係非常開心; 另外餐後有印度甜品, 係糖同香料, 師傅試左少少覺得味道怪怪地, 始終都唔鍾意, 飲左幾啖水都依然沖唔淡嗰種怪味, 真係攞命, 早知唔食好過食啦! 有機會都會再黎, 而笑臉值得一比!
後記: 等師傅第六百個食評再約好友食家"乜都放入窿"食多餐先, 但相信呢一日都唔使等好耐啦!
Post
