燒肉未有得食住既時候，熟食有餃子、炸雞等，仲要新鮮熱辣，幾好味
令我地覺得驚喜既係，原來呢到蠔都可以任點任燒，味道都好鮮甜
蠔都有分兩種架，有原味同芝士，而且蠔肉都好大隻， d芝士份量真係好多，必食推介
海鮮都有好幾款，蝦、帶子、扇貝都係非常推薦，夠曬新鮮，我地都翻點左好多轉
隻隻蝦都大大隻，肉質結實，一D都唔霉，食左好多轉
牛肋骨、牛舌、牛仔肉同辣味豬五花肉，真心不錯
肉既種類都不輸蝕，好多選擇，肉既色澤好鮮，唔似放左好耐
燒完D肉質仲好JUICY，醃得好夠味，唔使點醬都好食
當中辣味五花肉D肥瘦肉梅花間竹咁一層層，真係勁好食，油花好香
飲品放滿成個凍櫃，種類都OK多
個人飲得最多係荔枝茶，少少微甜但重荔枝香味
最後每人有一條雪條，幾種味，揀左椰子味
唔食雪條可揀或是日糖水
總評：食物味道平均水準以上，肉同海鮮種類多；質素幾高，翻點左幾次，無漏單上枱快，值得再回頭
