首先個天婦羅魷魚鬚一上枱就聞到好香炸粉味！外層炸到金黃色，咬落去喀嚓聲超酥脆，但入面嘅魷魚鬚依然保持軟嫩彈牙，完全唔會韌！最正係個秘製他他醬，帶少少檸檬酸香，同魷魚嘅鮮味超夾，食完成個口腔都唔會有油膩感，送啤酒真係一流！
至於個西班牙黑毛豬鞍架絕對係重點戲！一客有成兩大塊，煎到表面微焦，切開仲保持住粉嫩肉色～入口肉質超級軟嫩，完全唔似普通豬扒咁柴，個肉汁多到呢～簡單用海鹽同黑椒調味已經足夠，食到黑毛豬本身嘅甘香！旁邊嘅薯蓉都做得超滑，仲有烤蔬菜平衡返，成個配搭好完美！
環境方面幾舒服，樓底高夠空間感，傾計都唔怕太嘈。以呢個價錢食到咁高質素，性價比真係爆燈！已經同同事約定下次再嚟試其他菜式～
1
1
