🐌 Baked Escargot with Mashed Potato薯蓉焗田螺
頭盤我哋揀咗兩款招牌菜式，包括令人驚喜嘅薯蓉焗田螺 ，上枱嚟個儀式感十足嘅火焰田螺！食落個田螺比一般食過嘅軟嫩，味道仲好濃郁入味添。
🐂 Black Truffle Gillette Beef Bites
黑松露吉列一口牛
另一款係黑松露吉列一口牛 ，外觀已經成舊truffle 咁，一口咬落去，黑松露香氣即刻爆發，牛肉鮮嫩多汁，外層脆漿亦帶嚟驚喜嘅口感。
🥧 期間餐廳細心送上兩件amuse-bouche，係蕃茄牛油果脆撻 ，酸甜酥脆，係個清新開胃小品。
🦪 Foie Gras & Hiroshima Oyster Rice Bowl 香煎鵝肝燒廣島蠔鍋飯
主菜我揀咗配搭比較特別嘅香煎鵝肝燒廣島蠔鍋飯 … 熱辣辣上枱，店員淋上特調醬汁香氣四溢。鵝肝香滑細膩，而廣島蠔煎得啱啱好，鮮嫩可口。鮮蠔嘅調味好出色！
🥩 Charcoal-Grilled Australian Sirloin 炭燒澳洲西冷
另一主菜炭燒澳洲西冷 ，外焦內嫩、肉味甘香濃郁、每一口肉質細嫩多汁；牛味濃郁得黎唔柴，絕對係高水平嘅西冷牛扒。
🍨 Yuzu Sorbet w/ Sake Jelly 柚子雪葩配清酒啫喱
柚子雪葩入口清新細膩。清酒啫喱爽口微甜，質感彈牙，入口即溶，帶有淡淡酒香。好適合係我哋呢個豐富晚餐後作為解膩清新之選。
🍦 Fried Ice Cream 炸雪糕
另一款係Fried Ice Cream炸雪糕 ，外皮酥脆輕盈，配上濃滑朱古力雪糕。
呢度嘅飲品亦都好有新意：
☕️ Pistachio Chocolate 開心果朱古力
上層以開心果碎同朱古力裝飾。中間有忌廉泡沫，睇落靚到有啲唔捨得飲。入口香滑又唔會太甜 ，帶有淡淡嘅果仁香同朱古力香。
🍓 Triple Strawberry 士多啤梨奶
杯中鮮嫩嘅士多啤梨 香氣撲鼻，味道香甜滋味。口感層次豐富。飲落甜而不膩清新愉悅。
1
1
1
1
1
