Kiuki Sweet Bakery

Open Now

Now Closed

見姨甥就黎生日，我同家姐上網訂購左個開心果口味既蛋糕，名義上幫小朋友慶祝生日，實際上滿足一試開心果口味既我地🤣🤣🤣。 💚開心果×雙莓戚風蛋糕💚用上意大利西西里島產的開心果，忌廉充斥住濃郁既開心果味，配埋紅桑子慕絲同草莓戚風，整個蛋糕酸酸甜甜，配搭埋一齊，甜而不膩。蛋糕最中間係開心果味麻糬，煙煙韌韌，增加左整個蛋糕的口感。配埋topping香脆杏仁，完全有畫龍點睛既作用，令整個蛋糕嘅味道提升一個層次。 小店仲要主打低糖低油同全天然食材，製作出健康又好食既蛋糕，真係可以一試再試。另外，位於觀塘成業工廈入面，訂製蛋糕後可揀選自取或者送貨服務，非常方便！ ✨凡訂購 KiuKi 原個蛋糕🎂，免費附送生日牌及蠟燭一支🕯️。