Video
Read full review
2022-05-11
24 views
又來到觀塘搵朋友食飯，朋友話介紹咗呢間新開嘅Cafe，峇里島風情啱晒女仔嚟打卡！去到餐廳環境好靚，好似去咗峇里島咁，好有異國風情，有卡位又有落地玻璃，雖然係望住馬路邊但都幾唔錯。除咗打卡靚之外啲嘢真係超級好食！係想像之外咁好食，超級驚喜！🍴香煎北海道刺身帶子蟹肉忌廉意大利飯 $128 (9.5/10)冇諗過百零蚊嘅意大利食咁大碟！有三粒帶子，剪到表面金黃，入邊仲係未熟，食得出帶子嘅鮮味，肉質好嫩滑，真心冇呃人係日本刺身級數嘅帶子！意大利飯煮得啱啱好，唔會太淋，偏硬有口感，食得出蟹肉嘅鮮味，調味好香濃，鹹香嗰種，好creamy，仲食到一絲絲嘅蟹肉，加埋三文魚子，真係食得出大海嘅味道，好好食🤤🤤🤤意大利飯兩個人share都好夠😆🍴香烤露絲瑪利法式春雞配燒汁 半隻 $168 (8.5/10)雞肉肉質好嫩滑，非常香濃嘅香草味道，調味啱啱好，加埋燒汁鹹鹹地幾香，美中不足係食到見骨嘅時候，唔係好熟，有少少血水味道🤣蔬菜有三舊焗薯角，一條甘筍，仲有幾棵菜花，口感好爽脆，煮得啱啱好熟。整體來講都幾好食！🍹Fresh Grapefruit Pomelo Soda $46 少甜 (7/10)朋友叫咗呢杯嚟
🍴香煎北海道刺身帶子蟹肉忌廉意大利飯 $128 (9.5/10)
冇諗過百零蚊嘅意大利食咁大碟！有三粒帶子，剪到表面金黃，入邊仲係未熟，食得出帶子嘅鮮味，肉質好嫩滑，真心冇呃人係日本刺身級數嘅帶子！意大利飯煮得啱啱好，唔會太淋，偏硬有口感，食得出蟹肉嘅鮮味，調味好香濃，鹹香嗰種，好creamy，仲食到一絲絲嘅蟹肉，加埋三文魚子，真係食得出大海嘅味道，好好食🤤🤤🤤意大利飯兩個人share都好夠😆
🍴香烤露絲瑪利法式春雞配燒汁 半隻 $168 (8.5/10)
雞肉肉質好嫩滑，非常香濃嘅香草味道，調味啱啱好，加埋燒汁鹹鹹地幾香，美中不足係食到見骨嘅時候，唔係好熟，有少少血水味道🤣蔬菜有三舊焗薯角，一條甘筍，仲有幾棵菜花，口感好爽脆，煮得啱啱好熟。整體來講都幾好食！
🍹Fresh Grapefruit Pomelo Soda $46 少甜 (7/10)
朋友叫咗呢杯嚟飲，佢話好濃西柚味，偏酸，口感清新。
🍓Stwberry Avocado Smoothie $52 (7.5/10)
打卡一流，好濃稠，士多啤梨加牛油味，非常新奇嘅配搭，酸得嚟又有啲草青味？個口感配搭都幾新奇，欣賞呢個創意！好彩唔會太甜，忌廉食得出係自己打，好香好creamy，有奶味又唔甜，整體來講感覺好健康，而且幾飽肚，但唔算特別好好飲！
🥞法式焦糖卡士達梳乎厘班戟 $128 (8.5/10)
甜品可以食完主菜先上！份量都好足，有兩層班戟，表面有卡士達醬，醬汁比較淡味，真係淨係食到輕微嘅奶味，質感比較稀，梳乎厘班戟口感比較紮實，冇乜空氣感，似係幾輕盈嘅海綿蛋糕？食落去有啲似古早味蛋糕？旁邊有啲曲奇碎，都幾香幾濃牛油味，整體來講都幾好食！
推薦指數: 9/10
打到卡食物又高質嘅Cafe，價錢來講都唔算好貴，坐得舒服啱晒約friend去食下吹吓水，我都會再去食😆😆真心推薦比大家！
Post
