壹檸壹鮮果茶 (Closed)

我今日放假，順道約同好友去觀塘行街和食晚餐，經過開源道，見到壹檸壹鮮果茶專門店就在路口，又咁啱嘅，我又想飲嘢喎，問下好友飲唔飲？原來老友之前幫襯過：好呀，唔係廢水，健康少甜，唔會變肥，飲完無罪惡感！我點左杯 楊枝甘露（少冰，正常甜味） $33，老友就點左杯 葡萄冰茶（少冰，正常甜味） $33。楊枝甘露 好清甜，好似食緊甜品的楊枝甘露咁樣，但係無咁濃的糖味，芒果和柚子味清清地，好好飲呀！葡萄冰茶比楊枝甘露大杯好多，好清涼！