漁吉海鮮丼專門店

Open Now

Now Closed

朋友係觀塘返工，所以知道好多工廈隱世美食。今日同朋友做完gym之後佢帶左我嚟漁吉海鮮丼專門店，位置唔算太隱蔽，一出lift門轉左就會見到藍色大招牌。餐廳既魚生丼一共有十二款，每款各有特色。我同朋友分別揀咗漁吉特選丼同比目帆立丼。- 漁吉特選丼原本有鮑魚，可惜咁啱無貨，轉左鰻魚都唔錯。魚生款式多到鋪滿成碗壽司飯，魚生包括三文魚、油甘魚、櫻花魷魚、赤蝦、左口魚邊、帆立貝。三文魚同油甘魚切得好厚身，櫻花魷魚比較少見，外觀晶瑩剔透，味道鮮甜彈牙。比目魚灸燒後魚油豐富，同時保持爽脆嘅口感。唯一普通嘅係吞拿魚。- 比目帆立丼份量比漁吉特選丼細，但魚生一樣鋪滿整個飯。帆立貝同左口魚裙邊都一樣灸燒過，表皮有少少脆口。帆立貝幾鮮甜，而左口魚一樣魚油豐富。另外仲有香甜嘅玉子燒。總結嚟講，以上兩款魚生丼都好好味，其實自己想食蟹三味（松葉蟹肉、味增松葉蟹肉同松葉蟹腳），可惜售罄，希望下次可以食到。