5
Set Dinner $588
煙三文魚凱撒沙律
是日餐湯
首先前菜叫咗份煙三文魚凱撒沙律，沙律菜加入煙肉、芝士碎、麵包脆脆等其他材料，另外一旁有三大塊煙三文魚，味道清新開胃
是日餐湯係南瓜忌廉湯，入口有輕盈既南瓜香氣，暖和美味
菠蘿鮮蝦冬陰功意大利飯
主菜叫咗份菠蘿鮮蝦冬陰功意大利飯，用原隻菠蘿裝住啲意大利飯，入邊除咗有鮮蝦仲有魷魚、青口、大蜆，咁多款海鮮中，蝦肉最為爽口，而意大利飯帶明顯冬陰功既辣味，仲加咗三色椒一齊伴炒，增加口感
泰式蝦餅燒菠蘿漢堡
另一款就叫咗泰式蝦餅燒菠蘿漢堡，漢堡嘅配菜除咗有泰式蝦餅，仲有燒菠蘿、生菜，漢堡用上既醬汁帶微辣，但配上兩塊酸甜多汁既菠蘿就中和咗辣度，令到漢堡口感變得濕潤，整體配搭好夾
海鹽開心果奶蓋麻薯
配開心果碎
甜品就叫咗麻薯，一共有三隻口味，分別有海鹽芝士、泰式奶茶及海鹽開心果。最後就揀咗開心果口味，麻薯表面有一層豆粉，加埋濃稱嘅開心果醬，仲有開心果碎，好正
羽衣甘藍牛油果酸奶昔 $62
叫咗一杯特飲係羽衣甘藍牛油果酸奶昔，奶昔有明顯嘅牛油果香同埋酸奶味，入口順滑清新
海鹽開心果美式咖啡 $62
另一杯就加錢叫咗海鹽開心果美式咖啡，表面用上濃稠嘅開心果醬，配搭底下嘅美式咖啡，香濃又醇厚
