Video
Read full review
2024-03-13
48 views
近排天氣唔凍唔熱涼涼哋咁好想去bbq不過仲未約到時間所以去咗觀塘試下呢間串燒放題餐廳座位好闊落 簡約裝潢中間有個串燒 另外仲會有個架可以放嘢食咁就唔會將啲嘢食放到成枱都係店員都好熱情友善2.5小時串燒及網燒放題 $248食物選擇非常之豐富 有串燒 網燒同炸物串燒肉類有美國穀飼牛肋條 美國穀自牛西冷 蜜汁叉燒豬柳 泰式豬頸肉 農場雞腿肉 將串燒放喺個爐上面就會識自轉 自轉嘅好處係可以令受熱更均勻冇咁容易燶 仲可以燒到脆邊超正另外都有提供咗唔同嘅醬料 孜然粉 椒鹽等等 令到串燒更惹味海鮮方面有海蝦 加拿大多春魚啲蝦勁新鮮好香甜 仲有唔同嘅丸類 芝士腸 呢度嘅丸類串燒份量啱啱好唔會太多 咁就可以食多幾款啦網燒選擇都好豐富 首先每位會送一隻扇貝 超大粒勁厚肉生蠔同青口都好新鮮仲有羊架 牛仔骨 雞腎 雞翼 一口牛 安格斯牛肩肉 五花肉等等個爐夠晒熱好快就食得唔使等好耐牛肩肉牛味好濃郁肥瘦適中羊架都好厚肉夠Juicy炸物都試咗好多唔同款式試咗吉列生蠔 香芋地瓜丸 榴槤波波 芝士蝦球 炸雙皮奶 香蕉脆皮 薯條最鍾意係榴槤波波 咬落去熱辣辣嘅榴槤蓉爆出嚟好滿足清酒煮蜆份量夠充足 好鮮甜出面仲有自助櫃可
近排天氣唔凍唔熱涼涼哋咁好想去bbq
不過仲未約到時間所以去咗觀塘試下呢間串燒放題
餐廳座位好闊落 簡約裝潢
中間有個串燒 另外仲會有個架可以放嘢食咁就唔會將啲嘢食放到成枱都係
店員都好熱情友善
2.5小時串燒及網燒放題 $248
食物選擇非常之豐富 有串燒 網燒同炸物
串燒肉類有美國穀飼牛肋條 美國穀自牛西冷 蜜汁叉燒豬柳 泰式豬頸肉 農場雞腿肉 將串燒放喺個爐上面就會識自轉 自轉嘅好處係可以令受熱更均勻冇咁容易燶 仲可以燒到脆邊超正
另外都有提供咗唔同嘅醬料 孜然粉 椒鹽等等 令到串燒更惹味
海鮮方面有海蝦 加拿大多春魚
啲蝦勁新鮮好香甜
仲有唔同嘅丸類 芝士腸
呢度嘅丸類串燒份量啱啱好唔會太多 咁就可以食多幾款啦
網燒選擇都好豐富 首先每位會送一隻扇貝 超大粒勁厚肉
生蠔同青口都好新鮮
仲有羊架 牛仔骨 雞腎 雞翼 一口牛 安格斯牛肩肉 五花肉等等
個爐夠晒熱好快就食得唔使等好耐
牛肩肉牛味好濃郁肥瘦適中
羊架都好厚肉夠Juicy
炸物都試咗好多唔同款式
試咗吉列生蠔 香芋地瓜丸 榴槤波波 芝士蝦球 炸雙皮奶 香蕉脆皮 薯條
最鍾意係榴槤波波 咬落去熱辣辣嘅榴槤蓉爆出嚟好滿足
清酒煮蜆份量夠充足 好鮮甜
出面仲有自助櫃可以自己夾麵包 棉花糖 瓜類 仲有蒜蓉菇同牛油粟米
錫紙菇有金針菇 秀珍菇 雞髀菇 煮完好入味
飲品櫃除咗有汽水啤酒仲有自家製飲品涼茶 解膩一流
食飽飽仲有甜品 水果同雪糕 好滿足
Post
