秋意 (成業工業大廈)

Open Now

Now Closed

秋天嚟呢間店名「秋意」嘅餐廳，都好啱時候☺️餐廳午市主打便當及湯麵，全部都係傳統中式功夫菜😍 有口水雞、貴妃雞、手撕鴨、紅酒雜菜豬軟骨等， 樣樣都想試😋秋意去骨豉油雞 $60便當好精緻，有沙律菜、糖心蛋、薑蔥醬、飯上面仲加咗飯素。 而去骨雞肉好入味，又唔好太鹹， 做到皮爽肉嫩，伴飯一流🤤 去骨真係好啱我呢啲懶人🤣秋意酸菜魚湯麵 $62 湯麵都幾大碗，上面滿是魚片、味菜、萵筍、木耳等，湯嘅味道酸酸地，香濃開胃，魚片爽脆鮮甜。秋意水果茶 跟餐$8水果茶係樽裝上，幾方便，味道清新解渴生薑蜜 跟餐$5養生嘅我就要咗呢杯熱騰騰好暖胃嘅生薑蜜，飲完成身暖哂