阿鴻小館 (Closed)

今晚嚟到觀塘食飯，同事就推薦左呢一間比較出名嘅阿鴻小館，主打潮州菜食物，我哋之前都有打電話嚟預約，店員非常迅速搵到我哋嘅預約，就帶咗我哋入去，亦都非常有禮貌同客氣比較推介嘅係潮式烏頭同埋滷水鵝片+墨魚去食潮式打冷，鹵水鵝一定係必叫既食物。鵝片肉質軟熟，口感又豐滿嘅鵝味度，鹵水亦非常夠味，忍唔住食完一片又一片滷水墨魚都非常爽口彈牙，食得出非常新鮮，墨魚亦都吸水濃厚嘅滷水味道，口感更加昇華烏頭我就覺得冇想像中咁驚喜，不過魚味道好濃郁，唔會話有好腥嘅味道，相對嚟講有啲失色