善茶 (Closed)

觀塘裕民坊開咗個新商場，裏便都有好多唔同嘅舖頭，經過見到有間賣港式珍珠奶茶，裝修都十分懷舊，台式奶茶就見得多啦，港式珍珠奶茶真係好少見，一於就買一杯試一試啦！🧋 招牌珍珠絲襪奶茶 $30 微糖走冰都幾大一杯，飲落茶味超香濃，同茶餐廳俾一啲都唔輸蝕㗎，可能叫咗微糖，茶味香得來又帶少少苦澀，非常之正宗嘅港式奶茶，珍珠都軟淋，咬落煙韌。雖然本人冇特別鍾意飲奶茶，但都覺得好好飲！推薦指數: 8/10經過都可以買一杯嚟試吓，一定唔會中伏！