「觀塘活化工廈系列-誠意用心餐廳」-鳥棲日本料理
繼續去觀塘發掘新餐廳！直到試完為止！今日朋友帶我黎試哩間日式餐廳，環境寬敞，每張都係梳化凳！舒服又好坐！啱晒傾計！
軟殼蟹天婦羅 $68
炸得金黃香脆，薄薄既天婦羅粉漿，入口鬆脆又唔太油膩。份量大約2-3件，好適合佐酒！
燒雞軟骨 $20
最愛食串燒，燒雞軟骨係必食！香脆又帶有香韌嚼勁，再加上惹味孜然粉，好食到停唔到！
八爪魚唐揚 $58
酥酥脆脆既麵糰下包著熱騰騰既配料，彈牙多汁既章魚粒同蔬菜，配上燒汁同木魚碎，夠惹味而且非常足料！
燒雞翼 $30
我鍾意鹽燒，因為鹽燒更加可以食出食物原味。雞肉唔乾，肉質嫩帶充足肉汁！必食！係高質既燒雞翼！
鰻魚炒飯 $128
鰻魚好香好軟好肥，醬汁入味又唔會死鹹同過甜。飯炒得香，炒到飯粒粒粒分明，而且份量夠2個人食！抵食！
🍽7/10
