大滿屋日本料理 (Closed)

之前經過觀塘，係樓下招牌都知道呢度有好多餐廳，今次終於搵到機會上黎搵食。係坐升降機時經過呢層時見到好多人等位，未入座係門口見佢個banner 寫住有好多種類食物，有啲係其他放題餐未見過，心諗：甘多人排隊，應該唔差既！加上職員又話好快有位，因上一轉就夠鐘走，於是決定試一試，好彩真係唔使等好耐就有位，約十分鐘。食放題點都會唔叫刺身食？叫左幾款，每樣少少試下！雖然唔識分啲魚生名，但食落覺得魚生好爽有鮮味，唔點醬油食直接食都好味，我最鍾意係食鮑片同帶子。都好新鮮。壽司方面原來都唔多飯，可以叫多幾款都唔怕食唔落。當然唔少得至愛既黑松露三文魚壽司，未食已經俾香味吸引。細細件，一啖過！另外，芝士蟹棒既芝士記得要快的食先會有種少少溶既感覺，兩個正呀！炸物比較喜歡紫芋波波同埋芝麻雞翼，前者食左四粒都唔覺油，甜又香既芋蓉好好味；後者外皮脆肉入面煮到剛好離骨，時間要控制得好好先整到。另外，仲叫左個牛肉壽喜鍋，肥牛同甜湯無論去邊都係好好既配合，唔怕甜既我連湯汁都飲左兩碗。好味！食到最後追加一個壽司要講下，銀箔三文魚海膽呢款，我建議唔洗點醬油，要一口氣食晒，因為會有不同口感於一身，都好特別。飲品種類好多，同埋有