百喜 (Closed)

觀塘茶餐廳有好多，當中出名快、靚、正就係紅茶同龍城冰室。但係眾多茶餐廳講到平、靚、正，我就會推介百喜。百喜同紅茶、龍城一樣係駿業街，而且就係龍城冰室旁邊。不過佢就冇好大嘅招牌同好靚嘅裝修。只可以經過嘅時候係門度望到呢間餐廳。一入去冇人帶位，自己搵位就可以叫嘢食，今次就叫咗吉列魚柳、多士、炒蛋配奶茶成個早餐最好食就係塊吉列魚柳，仲大過塊多士，咬落去非常脆，炸嘅時間配合得剛剛好。呢份早餐埋單都只係$28。呢個價錢，你好難係其他店鋪搵到。