流水蝦 (Closed)

好日都唔會出觀塘，因為塞車又塞人。自從辭職後都好少踏足呢個地方， 難得今晚約朋友食飯地點要就佢，就發掘咗呢個地方。餐廳座落開源道嘅工廈， 就喺駱駝漆大廈對面所以都幾易搵，上一層樓梯左轉就到。美國Prime牛肉拼盤隨餐會附有一碟USDA Prime 牛肉粒同燒肉， 油花均勻食起嚟好重牛味。海鮮船有扇貝，鮑魚，蜆同埋膳片， 每樣只供應一份。海鮮好生猛唔會輸俾跳跳紮嘅大頭蝦， 鮮味好夠仲要有海水鹹香，唔洗點調味都好正。大頭蝦餐廳清一水供應大頭蝦， 唔好睇佢細細隻好易捉， 生猛起上嚟真係夾都夾唔住。好考你反應同埋膽量。有男士陪同就最好😂夾起上嚟記住唔好咁快就燒， 一定要放入冰桶凍暈佢先。燒到兩邊呈燈紅色就食得。唔好睇佢蝦仔細細就以為佢冇肉食， 實情就係新鮮蝦一定肉質彈牙， 大頭蝦嘅蝦頭有好rich 好 creamy 嘅蝦膏， 記住唔好淨係食身唔食頭！