粉果佬 (Closed)

經過巧明街見到入面燈火通明，原來開咗間新嘅小食店，約咗人個幾鐘後先食晚飯，就食啲小食先🥟家鄉粉果 $12三個平時喺茶樓都唔太鍾意食粉果，但係佢叫粉果佬循例都試吓啦。原來超好食！唔會有芫荽蔥同埋腍嘅花生，只有肉碎同沙葛粒，粉皮好軟熟🐠魚肉燒賣 $10五粒新張優惠喺門口打卡兼買滿$30送多兩粒。手工燒賣咬落唔會粉，好煙韌，加上豉油辣油好惹味🥬🐠生菜魚肉 $25鯪魚肉多到見唔到啲生菜😂 麻油味好香，忍唔住飲咗兩啖湯，生菜又吸晒啲麻油香，邪惡又好味