BBQ Grilled and Baked (Moved) New Location

之前行過成日見到好多人喺度等外賣，今日終於買個返嚟試一試。午餐有好多選擇，價格亦都好吸引，一個價錢包餐湯仲冷熱飲同價。而且餐湯種提供左兩個選擇，實在太驚喜。我叫嘅係A餐BBQ王牌燒雞脆薯皇，但由於我太晏去買，所以就變成左薯條。餐湯係周打蜆湯，比較水，但我覺得可以接受，而且湯料都充足。燒雞有半隻，燒嘅時間剛剛好，啲肉好juicy一啲都唔柴。但由於佢係完全冇切開，係公司食就比較狼狽。薯條嘅調味剛剛好，唔太鹹。以呢個午餐份量同質素，再加上外賣自取可以減多$5 ，CP值非常之高。下次可以試埋其他嘅午餐。