Be Leaf (Closed)

觀塘打卡必去後花園，隨手一影都非常靚，pancake必食。～～～呢一間餐廳book mark咗好耐，網上見到好靚好多人嚟打卡，今日放假終於可以黎拜訪一下～～～從踏進門口開始每一個細節滿滿都係打卡位，見到好多人特登dress up咗黎影靚相。～～～老實說醉翁之意不在食物，我都係黎打卡嘅。不過出乎意料地佢哋嘅食物都出色。～～～睇過餐牌之後我哋叫咗：烤番薯菠蘿蜜糖芥末燒雞胸沙律$82香煎紅魚柳番茄沙沙蒟蒻麵 $118楊枝甘露疏乎厘pancake $128仲有兩杯咖啡～～～朋友減肥，所以先叫沙律，本身冇咩期望，點知佢哋嘅沙律意外地好好食，材料豐富，而且夠大兜，見到好多附近嘅上班族都有嗌呢一個沙律。裏面嘅菠蘿好香甜，雞胸份量好足，烤番薯亦都好特別。🍍～～～🐟香煎紅魚柳外脆內軟，蕃茄汁酸酸甜甜，加上彈牙好似啫喱質感嘅蒟蒻麵，成件事幾清新。～～～🥞最後出場嘅就係期待已久嘅楊枝甘露疏乎厘，震騰騰嘅疏乎厘極致柔軟，食落去有空氣感，亦都有蛋香，芒果香甜，加上椰汁同西米，泰西混合味道令人印象深刻☺️。