神木日本料理 (Closed)

觀塘工廈一向岀名多好嘢食，令次嚟到呢間主打燒肉嘅日式餐廳。星期六夜晚因為有book枱所以唔洗等位，以假期嚟講都算人多。一坐底服務員即刻好快手行埋嚟推薦咗幾個set同特色菜比我地，最後3個人點咗2個M7澳洲和牛豪華燒肉套餐、追加咗一份壽司拼盤、刺身拼盤、燒生蠔同幾樣特色壽司。不得不說，豪華燒肉套餐一人份量真喺算多，有主食、海鮮、刺身同燒肉。牛肉肉質尚算嫩口，主要睇個人燒烤技術。刺身同壽司不過不失，反而海鮮有我鐘意嘅甲羅燒同扇貝，不過份量略嫌細份。燒生蠔都幾大隻，不過芝士份量多咗少少，冚咗生蠔個鮮味。整體食物質素中等偏上，性價比高，服務態度好好，同服務員吹咗幾句水，環境位置坐得舒服，朋友或家庭聚會都合適。