Times Coffee

Open Now

Now Closed

呢間cafe隱藏喺觀塘工廈入面，夜晚去要由B座兜過去A座先搵到店舖入口，真係有啲搵食難度！一入到去即刻成個校園feel返晒嚟，用學校枱凳做餐桌，有黑板報仲有壁報板，真係以為自己返咗中學課室咁！最正係唔會趕客，坐足兩個鐘慢慢傾計都得，同班friend懷緬下讀書時嘅瘀事就最啱key。我哋叫咗個二人餐（$328），有齊沙律、小食、主食×2、飲品×2同甜品，可以再逐樣加錢升級食靚料：時令蔬菜沙律新鮮爽脆，醒胃之選！小食我們要了份雙拼，台灣腸穩陣唔伏，地瓜球外脆內軟糯。主食方面點了黑松露雜菌意粉，一上枱成陣松露香攻鼻！忌廉汁掛滿每條意粉，菇菌份量都足，食落creamy得嚟唔膩；至於原條鰻魚南瓜燉飯就真係成條鰻魚上，燒到微微焦香！燉飯吸晒鰻魚油香同南瓜甜味，個配搭出奇地夾，大推！飲品加錢的選擇都多，但最令人期待的是甜品，一定要加錢食個芒果小丸子刨冰，芒果醬甜度剛好，打卡呃like冇得輸，生日嘅話仲可以插塊牌仔慶祝下，好有儀式感。