Go Inside Kitchen (Closed)

星期六去左觀塘行工廈，行左半日餓餓地想食個早飯，聽聞工廈都有唔少好野食，見到個牌幾吸引就入去試吓。原來呢間係社企餐廳，入面有部份員工都係聾啞人士。環境幾闊落，我哋食完走的時候仲有人包左半場。有set dinner 同散叫menu, 我地打算夜少少去食甜品怕太飽所以沒有點set。黑椒豬手好快就上，呢個豬手已經去咗骨，所以食得好方便，皮脆同埋唔太肥膩。薯角炸得香脆，記得趁熱食。另外點左個羊扒配意大利飯，因為冇晒青醬所以改成番茄醬，個番茄醬意大利飯入面有啲蒜蓉好惹味，羊架都煎得剛剛好，有成三件，好滿足。買單仲比左張八折coupon可以下次用。