日月堂

Open Now

Now Closed

唔洗飛去台灣都可以食到台灣嘅味道。呢間係觀塘工廈入面嘅台灣餐廳，原來大家都好識搵食，去遲少少都要排隊。蚵仔煎 $42麻辣鴨血 $48叫左兩個小食，蚵仔煎個邊煎得好脆，d木薯粉漿好煙韌，蚵仔都幾多幾鮮味。另外個鴨血都幾多粒份量幾多，鴨血夠實淨水份夠多，麻辣夠香夠開胃。豬腳便當 $68滷水豬腳滷得好入味，而且煮得好淋，唔會太鹹。另外有個滷肉飯，都幾大碗，好有油香。紅燒半筋半肉麵轉刀削麵 $80呢間嘅牛肉麵個湯底望落夠濃味，飲落口好香好濃嘅牛骨香加上豆瓣香同蕃茄微香鮮甜味。牛腩炆得好淋身好入味，牛筋一大條好有膠感。今次轉左個刀削麵，口感比較好，而且掛湯都會比較多，所以入口嘅時候都會好好多。同埋碗麵配菜有埋紅蘿蔔同白蘿蔔，超級入味之餘仲有好甜嘅蘿蔔香味，好好食。凍鳳梨紅茶 +$15熱黑糖珍珠鮮奶 $32飲品大大杯，跟餐補價都幾抵飲。